Memlekettik syrtqy qaryzdy ıgermegeni úshin jaýapkershilik memlekettik organnyń birinshi basshysyna júktelýge tıis. Májilis tóraǵasy Nurlan Nyǵmatýlın osylaı dedi. Búgin jalpy otyrysta depýtattar "Qazaqstan Respýblıkasynyń keıbir zańnamalyq aktilerine búdjet zańnamasyn jetildirý máseleleri boıynsha ózgerister men tolyqtyrýlar engizý týraly" tıisti zań jobasyn birinshi oqylymda maquldady.

Májilis tóraǵasy Nurlan Nyǵmatýlınniń aıtýynsha, syrtqy qaryz qarajatyn ıgermegeni úshin jaýapkershilik "bulyńǵyr bolmaýǵa" tıis. Ol naqty jazylýy kerek. Eger qujattyń úkimettiń nusqasyn qabyldaıtyn bolsaq, onda is júzinde jaýapkershilik uıymnyń birinshi basshysyn jaýapkershilikten alyp tastap, orynbasarǵa júkteletini túsinikti. Bul barlyq jerde bolady. Sondyqtan da, mundaı sáıkessizdikterge jol berýge bolmaıdy.

Nurlan Nyǵmatýlın syrtqy qaryzdyń ıgerilmeýi búdjetten qosymsha shyǵyndarǵa alyp kelýi múmkin ekenin atap ótip, tıisti normany zańnamalyq deńgeıde bekitý arqyly memlekettik organnyń birinshi basshysynyń jaýapkershiligin kúsheıtý qajettigin aıtty.

Sonymen qatar, májilis tóraǵasynyń pikirinshe, jergilikti búdjetti boljaý kezinde aımaqtardyń ereksheligi eskerilýge tıis.

Sondyqtan depýtattar jergilikti búdjetke túsimderdi boljaý tártibin jergilikti ýákiletti organdarǵa berýdi usynady.

Osyǵan sáıkes, palata spıkeri zań jobasyndaǵy atalǵan normalardy ekinshi oqylymǵa deıin pysyqtaý qajettiligin aıtty.

Májilistiń baspasóz qyzmeti